有劇透，不過橫掂你都唔睇㗎啦。
回塘喎Netflix，孤兒被「組織」訓練成冷血女殺手，過程中命運交叉稚氣又反叛少女玩救贖，少女仲要係大魔王掌上名珠。後來發現大魔王不是大魔王，主角被組織出賣，跟住孤狼式逐關打大佬，全部都係00年代後最老土同典型嘅劇情。
戲中日本黑幫又係樣板到尷尬，著西裝喺塌塌米高級餐廳飲sake加藝妓跳舞斟酒服侍客人，唔好啦喂。
老老豆豆東京Cyberpunk風開始睇厭了，如果再係求其堆砌一堆霓虹燈、yakuza、居酒屋、玻璃幕場商廈，而唔肯好好消化Cyberpunk，從而好好設計，甚至加入新元素，咁唔該唔好再掂喇。
部戲連重頭動作戲都衰埋。拳腳虛有花巧，拍出嚟無論力度同打擊感都流到不行。
懲罰Netflix回塘，大家唔好嘥時間睇。
#Netflix #Kate #絕命凱特
Search